Mekanikong pakialamero, itinumba

CAMARINES NORTE, Philippines – Napaslang ang 28-anyos na mekaniko matapos itong pagbabarilin ng may-ari ng motorsiklo na kanyang ginamit nang walang paalam kamakalawa ng gabi sa Barangay Nursery, Masbate City, Masbate. Hindi na umabot ng buhay sa Masbate Provincial Hospital ang biktimang si Noel Arthur Murillo ng Barangay Malbog sa bayan ng Cawayan. Pinagha­hanap naman ng pulisya ang suspek na si Ricky “Kaloy”  Bravante Jr., 25, ng Purok 4 sa nasabing barangay. Sa ulat ng Masbate PNP, nagalit ang suspek nang makita ang biktima na gamit ang kanyang motorsiklo kung saan nagkasagutan ang dalawa na humantong sa pamamaril. Narekober sa crime scene ang apat na basyo ng bala ng cal. 45 pistol.