2 durugista utas sa shootout
SAN LEONARDO, Nueva Ecija, Philippines – Dalawa-katao kabilang ang lider ng sindikato ng droga ang napatay makaraang makipagbarilan sa mga operatiba ng pulisya sa Purok 3, Barangay Rizal sa bayan ng San Leonardo, Nueva Ecija noong Martes ng gabi. Kinilala ang mga napatay na sina Oliver Bartolome, lider ng Bartolome Drug Group; at Warlito Pangilinan ng bayan ng General Tinio, Nueva Ecija. Nabatid na susunduin ng mga pulis si Bartolome mula sa bayan ng Jaen upang dumalo sa promulgation ng kanyang kaso sa Gapan City Regional Trial Court. Gayunman, bigla itong sumakay sa naghihintay na Toyota Corolla (XGE-302) saka pinasibad ng driver patungo sa bayan ng General Tinio. Dito na naganap ang habulan na nauwi sa shootout. Narekober ng pulisya ng cal.45 pistol, cal. 22 revolver, at isang plastic sachet ng shabu.
- Latest