‘Termite Gang’ umatake, pawnshop nilooban
CAVITE, Philippines - Natangayan ng malaking halaga ng salapi at mga sanglang alahas ang isang pawnshop matapos na umatake ang “Termite Gang” na naghukay papasok ng nasabing bahay sanglaan kamakalawa sa Brgy. Langkaan 1, Dasmarinas City, Cavite.
Umaga na nang madiskubre ni Rieschel Peraira, 23, dalaga, cashier ng JARO pawnshop branch na nasa panulukan ng #44 Governors Drive, Brgy Langkaan 1 ng nasabing lunsod.
Sa ulat ni PO3 Aaron Abesamis, may hawak ng kaso, alas-9:00 ng umaga kamakalawa nang itawag sa kanila ng mga opisyal ng Brgy Langkaan 1 na may nangyaring robbery sa pawnshop.
Ani Pereira, cashier ng pawnshop, alas 8:15 ng umaga ng pumasok siya upang mag-duty sa pawnshop, pagbukas niya nito ay bumulaga sa kanya ang malaking butas sa floor at magulo ang loob ng pawnshop.
Agad siyang humingi ng tulong sa brgy na itinawag naman sa pulisya, sa pagsisiyasat ng mga ito, sa isang drainage na di kalayuan sa pawnshop dumaan ang mga suspek at nagsimulang maghukay papasok ng pawnhop. Nalimas ang mga pera sa loob ng vault at mga sanlang alahas dito.
- Latest