18-anyos stude ng TESDA, durog sa trak ng Navy
LEGAZPI, Albay, Philippines – Basag ang ulo ng isang 18-anyos na rider at estudyante ng TESDA nang salpukin ng rumaragasang truck ng Philippine Navy ang sinasakyan nitong motorsiklo habang papasok sa paaralan sa San Francisco, Guinobatan, Albay kamakalawa ng hapon. Kinilala ang biktima na si Richard Gajunera, residente ng Bgy. Sinungtan, Guinobatan habang nakakulong naman sa Guinobatan PNP ang sundalong drayber ng Navy truck na si PO2 Bebot Concha. Ayon sa ulat ng Albay PNP Command, dakong alas-4 ng hapon nang mag-overtake umano ang military truck sa isang sasakyan kaya nabangga nito ang rider na paliko naman patungong paaralan.
- Latest