Motorbike mishap: 2 utas, 2 kritikal
TUGUEGARAO CITY, Philippines – Isang magbayaw ang nasawi habang kritikal ang dalawang magkaibigang karpintero sa dalawang insidente ng salpukan ng mga motorsiklo laban sa isang 10-wheeler truck at isang Victory Liner bus sa San Mateo, Isabela at Aritao, Nueva Vizcaya kamakalawa. ?
Kinilala ni Chief Insp. Pilarito Mallilin, hepe ng PNP San Mateo ang mga nasawing mag-bayaw na sina Rommel Mangan, 31, ng Brgy. Rang-ay, Cabatuan at Etong Lazaro, 29, tubong Claveria, Cagayan.? Sinasabing nag-overtake sa isa pang sasakyan ang magbayaw subalit hindi nakalkula ang distansiya nito sa papalapit na 10 wheeler truck na minamaneho ni Armando Daet, 28, sanhi ng banggaan sa Brgy. Sinamar Norte.?
Namatay noon din ang mga biktima habang agad naaresto ng mga nagrespondeng pulis si Daet. ?
Sa Aritao, Nueva Vizcaya, kritikal ang magkaibigang karpintero na sina Joven Gatchalian, 48, at angkas na si Jessie Fabro, 31, nang salpukin sila ng isang Victory Liner bus habang nakikipag-karera rito sa kurbadang bahagi ng highway sa Brgy. Banganan dakong alas-11:00 ng tanghali. Naisugod ang dalawang biktima na sinasabing nakainom ng alak sa pagamutan habang ang driver ng bus (CXT 432) na si Joseph Tagalicud, 33, ay isinailalim sa kustodiya ng pulisya matapos ang insidente.
- Latest
