Barangay kagawad, nilikida

QUEZON, Philippines – Hindi na umabot ng buhay sa ospital ang 64-anyos na babaeng barangay kagawad matapos itong pagbabarilin ng hindi kilalang gunman sa Barangay Kinatihan 2 sa bayan ng Candelaria, Quezon kamakalawa ng umaga. Nagtamo ng tama ng bala ng cal. 45 pistol sa katawan at balakang ang biktimang si Kagawad Yolanda Vallecer ng nasabing barangay. Base sa ulat ng pulisya, katatapos lamang ng biktima na makipag-usap sa mga residente ng Sitio Baking at pauwi na sana nang harangin at ratratin ng gunman.