Pulis nagwala sa presinto, inaresto
CAMARINES NORTE, Philippines - Nalalagay sa balag ng alanganing masibak sa tungkulin ang senglot na pulis matapos nitong insultuhin ang kabarong pulis sa himpilan ng pulisya sa bayan ng Donsol, Sorsogon kamakalawa ng gabi. Pormal na kinasuhan ang suspek na si PO2 Josam Mendiola, 36, nakatalaga sa Pilar PNP at nakatira sa Barangay Punta Waling Waling Dalisay sa nasabing bayan. Base sa police report na nakarating sa Camp Simeon Ola, nabatid na may bitbit na bote ng alak si PO2 Mendiola nang pumasok sa himpilan ng pulisya kung saan pinagsabihan nito ng masasakit na pananalita ang kabarong si PO3 Menandro Nierva. Naalarma ang ilang pulis sa ginawa ng suspek kaya sinikap namang awatin subalit patuloy pa rin sa pagmumura hanggang sa napilitang arestuhin ni PO3 Nierva.
- Latest
