4 drug trafficker utas sa raid
NORTH COTABATO, Philippines – Patay ang apat na pinaniniwalaang drug traffickers makaraang manlaban sa mga elemento ng pulisya sa inilatag na “One time Big time” drug operation ng Davao City Police Office sa lungsod ng Davao, ayon sa ulat kahapon.
Kinilala ang napaslang makaraang manlaban umano sa mga pulis na sina Jojit Obatonon alyas “Bobong Mandaya,” ng Bonifacio St., Brgy. 33-D; Renato Alamara alyas “Ren” residente ng Barangay Dumoy, Talomo District; Bobby Daquigan, 38 at ang pang-apat sa target list na drug personalities ng Sta. Ana PNP na si Edward Magno, pawang sa Davao City.
Bukod sa mga napaslang, may 27 katao (20 dito ang lalaki, pito ang babae) ang inaresto sa operasyon.
Narekover ng mga pulis mula sa mga nahuling suspek ang isang motorsiklo, isang taxi at 2.35 gramo na shabu at 3.5 gramo na Marijuana, walong armas na kinabibilangan ng isang cal .45 pistol, tatlong cal .38 revolver, isang airgun rifle, 1.22 cal magnum, 1.22 mini revolver, isang homemade airgun at mga basyo ng bala na kinabibilangan ng 24 na .45 pistol, at 10 bala ng .38 revolver.
- Latest