Trader huli sa 14 bala sa Caticlan airport
MANILA, Philippines - Kalaboso ang isang negosyante makaraang makita sa kanyang bagahe ang maraming bala habang pasakay sa eroplano sa Caticlan Airport sa Malay, Aklan nitong Huwebes ng hapon.
Sa ulat ng Aklan Police, ang nahuli ay si Jerome Sulit, 29, ng Urlina Lilac Street, Fairview, Quezon City.
Sa imbestigasyon, kasalukuyang nasa paliparan ang negosyante kasama ang misis nito galing sa pagbabakasyon sa Boracay Island nang madiskubre ni John Tesorero, x-ray machine operator na may mga bala sa sling bag ng negosyante dakong ala-1 ng hapon sa departure area. Agad na sinita ng mga nakatalagang miyembro ng PNP-Aviation Security Group sa paliparan si Sulit na pinabuksan sa harap nito ang kanyang sling bag.
Nakuha mula sa negosyante ang 14 live ammunition at isang basyo ng bala ng cal 22 pistol.
- Latest