12-anyos dedo sa sakmal ng aso

CAMARINES NORTE, Philippines – Patay ang 12-anyos na totoy matapos itong sakmalin ng asong gala habang naliligo sa ilog sa Purok 2, Barangay Sabang sa bayan ng Vinzons, Camarines Norte noong Lunes ng hapon.

Napuruhan sa ulo ang biktimang si Fortunato Guinto Jr. ng nasabing barangay. Base sa police report, magkasamang naliligo sa ilog ang biktima at dalawang kalaro nang pagbabatuhin ang mga asong gala na nasa gilid ng ilog.

Pinaniniwalaang nagalit ang mga aso kaya nilundag ang biktima saka sinakmal sa ulo at iba’t ibang bahagi ng katawan.

Humingi naman ng saklolo sa mga barangay tanod ang dalawang kalaro ng biktima kaya naisugod ito sa ospital subalit namatay din.