Dinamita sumabog: 2 utas, 13 sugatan
NORTH COTABATO, Philippines – Dalawa-katao ang namatay habang 13 naman ang sugatan matapos na masabugan ng dinamita sa loob ng bahay sa Sitio Lungan Gihtong sa Barangay Busbus, bayan ng Jolo, Sulu noong Biyernes ng umaga.
Sa ulat na nakarating kay P/Supt Julpikar Sitin, hepe ng Jolo PNP, kinilala ang mga namatay na sina Aldea Tating at Kabir Laho ang may-ari ng bahay na ginawang pabrika ng dinamita.
Sugatang isinugod sa ospital ang mga sugatang sina Kamliya Spaldon, 60; Menariya Elasan, 42; Jeba Tating, 27; Neba Janji, 15; Nashra Baani, 12; Alnica Tating, 16; Fadzrina Tating, 6; Darwin Tating, 5; Aifha Tating, 5, at ang apat na hindi nabatid ang pagkakakilanlan.
Narekober sa loob ng bahay ang limang sako ng ammonium nitrate na pangunahing sangkap sa paggawa ng dinamita at iba pang klase ng improvised exploside device (IED).
Ginagamit ang mga dinamita ng magkakamag-anak sa ilegal na pangigisda sa nasabing lugar.
- Latest