19-anyos utas sa nilarong baril ng kainuman
NUEVA ECIJA, Philippines – Patay ang 19-anyos na kawani ng munisipyo matapos itong tamaan ng bala ng cal. 45 pistol na pinaglaruan ng kanyang kainuman sa Purok 3, Barangay Magsaysay sa bayan ng Aliaga, Nueva Ecija noong Miyerkules ng gabi.
Napuruhan sa leeg at idineklarang patay sa Nueva Ecija Doctors Hospital sa Cabanatuan City ang biktimang si Jay Bulasco y Bondoc ng Barangay Sto. Rosario sa nasabing bayan. Naaresto naman ng mga awtoridad ang tumakas na suspek na si Ferdinand Soro y Miguel, 39, may-asawa, magsasaka, ng Purok 3 sa Brgy. Magsaysay.
Base imbestigasyon, nag-iinuman sina Bulasco at Soro kasama ang ilang kaibigan nang nagyabang sa grupo ang suspek na may dalawa umano siyang baril.
Upang mapaniwala ang mga kainuman ay ipinakita ng suspek ang dalawang baril kung saan pinaglaruan nito cal. 45 pistol at hindi maipaliwanag na kadahilanan ay biglang pumutok na tinamaan sa leeg ang biktima.
- Latest
