Mag-iina minasaker
NORTH COTABATO, Philippines – Brutal na kamatayan ang sinapit ng mag-iina makaraang pagbabarilin ng walong kalalakihan sa sinasabing patuloy na clan war sa Sitio Buling-buling, Barangay Suh sa bayan ng Panamao, Sulu, kahapon.
Kinilala ng pulisya ang mga napatay na sina Laih Mamih, 50; Kiran Laih, 18; at si Salmalin Laih, 15, mga residente sa nabanggit na barangay.
Sa isinagawang imbestigasyon ng pulisya, lumitaw ang pangalan ng isa sa walong suspek na si Timmah ng Sitio Wanni, Barangay Pansul sa bayan ng Patikul.
Kasalukuyan nakakulong ang tatlong suspek na sina Magindi, Rasmar Appal at si Benar Jumar.
Nabatid na kasama ni Magindi sa pagpatay sa mga biktima ang pitong suspek na hindi pa pinangalanan.
Pinaniniwalaang clan war ang isa sa motibo ng gunmen habang sinisilip din ang anggulong awayan sa lupaing sinasaka.
- Latest