Mister dinedo sa lamayan

TUGUEGARAO CITY, Cagayan, Philippines – Pinaglalamayan na ngayon ang 49-anyos na magsasaka na grinipuhan ng kanyang pinsan sa burol ng kaanak na binabantayan nito sa Barangay Cabaraoan, bayan ng Pinili, Ilocos Norte kamakalawa. Kinilala ni P/Chief Insp. Jonathan Papay, tagapagsalita ng Ilocos Norte PNP ang napatay na si Richard Buduan habang tinutugis naman ang suspek na si Dennis Umadac ng Barangay Buanga.? Lumalabas sa imbestigasyon na naglalaro ng Tong-its ang biktima kaharap ang ilang kaanak sa burol ni Manuel Dapa nang lapitan ng suspek saka sinaksak sa kaliwang kilikili.Isinugod sa Sto. Cristo Milagroso Clinic and Hospital sa bayan ng Sinait ang biktima subalit namatay din. Pinaniniwalaang may matagal ng alitan ang magpinsan kaya naganap ang pananaksak.