Negosyanteng Bumbay, itinumba
TUGUEGARAO CITY, Cagayan, Philippines - Tangkang panghoholdap at matagal nang alitan ang mga anggulong na sinusundan ng pulisya sa kaso ng pagpatay sa 49-anyos na Bumbay sa Barangay San Sebastian, bayan ng Ramon, Isabela kamakalawa ng umaga. ?Kinilala ni P/Chief Insp. Genesis Cabacungan, hepe ng Ramon PNP ang napatay na si Raghbir Singh na residente sa nasabing barangay. ? Lumalabas sa imbestigasyon na patungo sa bayan ng San Mateo ang biktimang sakay ng motorsiklo para maningil ng pautang nang sabayan at ratratin ng riding-in-tandem gunmen sa mataong lugar dakong alas-11 ng umaga.? Nagtakbuhan at nagsigawan ang mga tao sa paligid matapos umalingawngaw ang putok ng baril kung saan duguang bumulagta ang biktima sa gitna ng kalsada.? Narekober sa crime scene ang dalawang basyo ng bala ng cal. 45 pistol.
- Latest