Tatay tinubo ng anak, dedo
NORTH COTABATO, Philippines – Napatay ang 74-anyos na tatay matapos itong hampasin ng tubo ng sariling anak sa Barangay Singkatulan, bayan ng Makilala, North Cotabato kahapon ng madaling araw.
Kinilala ng Makilala PNP ang biktima na si Fabian Belarmino habang nasakote naman ang suspek na si Marcil Belarmino, 42, ng Malungon sa Saranggani.
Batay sa police report, naganap ang krimen bandang alas-3:30 ng madaling araw, habang nag-iinuman ang mag-ama ay bigla na lamang humantong sa mainitang pagtatalo.
Dito unang hinampas ng ama ang anak gamit ang tubo pero naagaw naman ng suspek sa biktima ang tubo.
Gayon pa man, umiwas na ang suspek saka pumunta sa likuran ng bahay subalit sinundan at tinubo ng kanyang ama kung saan tinamaan sa kaliwang paa.
Nang maagaw ng suspek ang hawak-hawak na tubo ng ama ay hinampas na niya ito at tinamaan sa ulo kaya kaagad na namatay.
Nabatid na bumisita lamang ang anak sa kanyang tatay para sa death anniversarry ng kanyang ina.
- Latest