78-anyos biyuda kinatay ng pamangkin
TUGUEGARAO CITY, Cagayan, Philippines – Kalunus-lunos na eksena ang tumambad sa anak ng 78-anyos na biyuda matapos niyang masaksihang kinakatay ng pamangkin sa kanilang bahay sa Rocky Side 1, Barangay Lubas sa bayan ng La Trinidad, Benguet noong Biyernes. ?
Sa pahayag sa pulisya ni Florencio Lartec na malagim na tagpo ang tumambad sa kanya na nakalumbabaw pa ang suspect na pinsan niyang si Marcela Espada, 53, sa lupaypay na katawan ng kanyang ina na si Lourdes Lartec habang inaatado ng gunting ang leeg.?
Agad na tumakas ang suspect habang binuhat ni Florencio ang duguang ina at dinala sa Benguet General Hospital kung saan ito idineklarang patay.?
Nadakip naman ang suspek sa kanilang bahay sa follow-up operation ng pulisya. ?
Ayon sa mister ng suspek na si Damaso Espada, bigla na lamang pinauwi ng kanyang mga amo sa Taiwan ang kanyang misis sa hindi ipinabatid na dahilan.?
Gayon pa man, sinasabing ang suspek ay may tatlong misyon na ililigpit na ibinubulong sa kanya ng masamang epiritu at isa na rito ay ang napatay niyang tiyahin.?
Hindi na isiniwalat ng mister ng suspek kung sino pa ang natitirang dalawa sa listahan.
- Latest
