Estudyanteng 'broken hearted,' nagpakamatay
CAVITE, Philippines – Kusang nagpasalubong kay kamatayan ang 17-anyos na De La Salle student na sinasabing may matinding problema sa kanyang nobya matapos itong tumalon mula sa may 42 talampakang taas na grandstand ng campus sa nasabing university sa Dasmariñas City, Cavite kamakalawa.
Bandang alas-7 ng umaga nang matagpaung nakahandusay sa likuran ng grandstand ang biktimang itinago ng mga magulang sa pangalang Mark, 2nd year college student sa kursong computer engineering sa De La Salla University Dasmariñas (DLSU) at nakatira sa Barangay Alapan sa Imus City, Cavite.
Base sa police report na isinumite sa Camp Pantaleon Garcia, ayon sa ilang kaklase hindi na pumasok sa huling subject ang biktima at hindi na rin umuwi.
Sinasabing bago ang pagpakamatay ang biktima ay broken hearted dahil sa kanyang nobya na may matinding tampuhan.
Lumagda naman ng waiver ang pamilya na hindi na nila isasailalim sa post-mortem examination ang katawan ng estudyante.
- Latest
