3 niratrat sa kasalan

TUGUEGARAO CITY, Cagayan, Philippines – Tatlo-katao ang nakikipagbuno kay kamatayan matapos ratratin ng mga di-kilalang lalaki habang nag-iinuman sa handaan ng kasalan sa Barangay Nabbotuan, bayan ng Solana, Cagayan kamakalawa. ?

Sa pahayag ni P/Chief Insp. Rogelio Caronan, hepe ng Solana PNP, nadakip sa follow-up operation ang isa sa mga suspek na si Jesse Piluden sa kanyang bahay habang ang kasabwat na si Bukto Omecas ay nakatakas.?

Sina Piluden at Omecas ang itinuturo ng mga testigo na bumaril sa mga biktimang sina Freddie Velarde, 42; Martin Velarde, 40; at kaanak na si Magellan Mariano, 39.

Ang mga biktima ay tumatagay sa handaan ng kasal ng isang kaanak nang lapitan at ratratin kung saan nagkagulo at nagtakbuhan ang bagong kasal at mga bisita.

Narekober sa crime scene ang mga basyo ng bala ng shotgun at cal. 45 pistol habang sinisilip naman ang anggulong alitan ng pamilya ng mga biktima at mga suspek.