Mister sinibak sa trabaho, misis nag-suicide

NORTH COTABATO, Philippines - Patay ang 24-anyos na misis matapos magbaril sa sarili dahil natanggal sa trabaho ang kanyang mister sa Zamboanga City, ayon sa ulat kahapon. Naganap ang insidente sa bahay ng biktimang si Shella Mae Banga Tapanan sa Barangay Recodo. Nabatid na nasibak sa trabaho bilang boat captain ang 42-anyos na mister na si Rolie Banga sa Oceanic Fishing Corp. kaya unti-unting naghihikahos sa buhay ang mag-asawa. Dahil sa kawalan ng pag-asa ay nagbaril sa bibig ang biktima gamit ang cal.45 pistol na pag-aari ng kanyang mister. Sa pagsisiyasat, nadiskubre na walang kaukulang papeles ang cal. 45 pistol kaya inaresto ang mister at mahaharap sa kasong illegal possession of firearm and ammunition.