2 bangkay natagpuan sa bangka sa Zamboanga

MANILA, Philippines —  Dalawang bangkay ang natagpuan ng mga mangingisda sa isang abandonadong pump boat sa isang isla sa Malangas, Zamboanga Sibugay nitong Sabado.

Nakilala ang mga bangkay na sina Ramil Dela Cruz at Reneboy Duran na kapwa resident eng Vincenzo Sagon, Zamboanga del Sur.

Natagpuan ang bangka na may bangkay malapit sa Isla Bato nitong Sabado bandang 3:30 ng hapon.

Ayon sa imbestigasyon, patungong Malangas sina Dela Cruz at Duran mula ng Vincenzo Sagon upang ibenta ang mga nahuling isda ng kinaumagahan.

Sa kalagitnaan ng katubigan ay hinarang ng hindi pa nakikilalang armadong grupo ang mga biktima at pinaulanan ng bala.

Kinuha pa ng mga suspek ang kita ng mga biktima bago tumakas.