Lalaki nalitson sa sunog!

Cavite, Philippines – Isang hindi pa kilalang lalaki ang natagpuang sunug na sunog na katawan matapos na tupukin ng apoy ang isang bahay sa Brgy Molino 4, Bacoor City kamakalawa ng gabi. Sa imbestigasyon ni P03 Angelito Roxas, may hawak ng kaso, alas-7:20 ng gabi nang maganap ang sunog sa bahay na pag aari ni Gng. Lina Santiago ng nasabing lugar. Tumagal ng may mahigit sa talong oras ang sunog bago ito tuluyang naapula ng mga rumespondeng pamatay-sunog. Habang nagsasagawa ng clean up operation ang mga bumbero at pulisya, nakita sa may pintuan ng natupok na bahay ang sunog na katawan ng nasabing lalaki. Nagsasagawa pa ng imbestigasyon ang pulisya upang makilala ang biktima at mabatid ang sanhi ng sunog.