Kubrador ng jueteng, itinumba

LEGAZPI CITY, Albay, Philippines – Pinabulagta ang  isang kubrador ng jueteng matapos itong pagbabarilin ng mga di-kilalang lalaki sa bisinidad ng Purok 3, Barangay San Ramon sa bayan ng Daraga, Albay kamakalawa ng hapon. Kinilala ang  biktima na si Rudy Nero ng Barangay San Vicente Grande sa nabanggit na bayan. Sa police report na nakarating sa Camp Simeon Ola, nangungubra ng pataya ang biktima sa Barangay San Vicente nang dukutin ng mga  armadong kalalakihan. Bandang alas-2 ng hapon nang matagpuan ang duguang katawan ng biktima sa nasabing barangay.