Minero bulagta sa gas poisoning

MANILA, Philippines – Patay ang 27-anyos na minero matapos itong makalanghap ng nakalalasong gas sa loob ng minahan sa Barangay Gumatdang, bayan ng Itogon, Benguet noong Lunes ng hapon. Sa police report na isinumite sa Camp Crame, ang  bangkay ng biktimang si Paul “Gayagay” Malidom Manuel ng Sagada, Mountain Province ay narekober kahapon ng madaling araw. Sa imbestigasyon, bandang alas-2 ng hapon nang maganap ang insidente sa bahagi ng L-400, Pink Tunnel sa Phase 3, Gumatdang. Bandang alas-10 naman ng gabi nang ipagbigay-alam sa pulisya ng mga kasamahang minero ang naganap na insidente kaya agad nagsagawa ng search and rescue operations hanggang sa marekober ang bangkay ng biktima.