Mister dakma sa pekeng P26k

LEGAZPI CITY, Albay, Philippines – Rehas na bakal binagsakan ng 33-anyos na mister makaraang arestuhin dahil sa  pagpapakalat ng mga pekeng pera sa Barangay Sta. Cruz , Naga City, Camarines Sur kamakalawa ng umaga. Pormal na kinasuhan ang suspek na si Marvin Uriza ng Ilayang Ganga sa bayan ng Majayjay, Laguna. Lumilitaw na ipinambayad ng suspek ang pekeng P1,000 matapos itong bumili ng damit sa ukay-ukat store na pag-aari ni Anthony Arcilla. Gayon pa man, nahalata ni Arcilla na peke ang pera na ibinayad ng suspek kaya ipinadampot nito sa pulisya. Nasamsam pa sa suspek ang pekeng P26,000 na sinasabing ipakakalat nito sa mga bayang sakop ng Camarines Sur.