Magkaibigan nilikida ng tandem

CAVITE, Philippines – Magkasabay na sinalubong ni kamatayan ang magkaibigang lalaki matapos itong pagbabarilin ng riding-in-tandem assassins sa kahabaan ng Congressional Road sa Barangay Salitran 3, Dasmariñas City, Cavite kamakalawa ng hapon. Kinilala ang mga biktima na sina Jasmeet Singh, 23, negosyanteng Bumbay, ng Wood Stock Street, Chester Place Subdivision sa Brgy. Burol Main; at Jaime Laurito, 27, ng Delaware Street sa Manuelaville Subd., Barangay San Agustin 2. Sa ulat ni P02 Armando Perez, magkaangkas sa motorsiklo ang dalawa nang ratratin pagsapit sa nasabing lugar. Wala namang palatandaang hinoldap ang dalawa dahil naka-intact ang mga pera, cellphones at ilang alahas ng mga biktima habang patuloy naman ang imbestigasyon.