Lolo inararo ng sasakyan, pisak

TUGUEGARAO CITY, Cagayan, Philippines – Pisak ang 80-anyos na lolo matapos itong mahagip ng sasakyan habang tumatawid mula sa sinakyang pampasaherong bus sa Barangay Cabugao, bayan ng Echague, Isabela kamakalawa ng madaling araw. Sa police report na nakarating kay P/Chief Insp. Gerald Gamboa, hepe ng Echague PNP, ibinaba ng pampasaherong bus ang biktimang si Silverson Josue sa bahagi ng Barangay Cabugao matapos lumagpas sa kanyang pupuntahan. Narekober sabiktima ang ticket ng bus na nagmula ito sa Maynila kung saan bababa sana sa bayan ng Cordon na may 40-kilometro nang lumagpas dahil sa nakatulog ito. Dahil naalimpungatan ay nahagip ng hindi pa nabatid na sasakyan ang matanda nang tumawid ito sa kabilang kalsada sa madilim na bahagi na pinagbabaan sa kanya ng bus dakong alas-4 ng madaling araw.