Misis tinodas dahil sa droga

CAVITE, Philippines – Pinaniniwalaang bawal na droga ang isa sa motibo kaya ginilitan at napatay ang 29-anyos na misis ng kanyang kapitbahay na dalaga sa Barangay San Nicolas 2 sa Bacoor City, Cavite kahapon ng umaga. Kinilala ng pulisya ang biktima na si Lourdez Arboleda ng Progressive 7 sa nasabing barangay habang pinaghahanap naman ang suspek na si Maricel Cortez ,31, ng nabanggit ding barangay. Sa police report na isinumite sa Camp Pantaleon Garcia sa Imus City, kinompronta ng suspek ang kapitbahay na biktima kaugnay sa bentahan ng bawal na droga  hanggang sa maganap ang pamamaslang.