Mag-asawa dinedo sa hapag-kainan
LEGAZPI CITY, Albay, Philippines – Brutal na kamatayan ang sinapit ng mag-asawa makaraang pagbabarilin ng mga di-kilalang kalalakihan sa kanilang bahay sa Barangay Tuburan, bayan ng Cawayan, Masbate kamakalawa ng gabi. Nagkabutas-butas ang katawan ng mag-asawang sina Saturnino Andujar, negosyante; at Mary-Ann Andujar na kapwa nakatira sa nasabing barangay. Base sa police report na nakarating sa Camp Simeon Ola, magkasabay na naghahapunan ang mag-asawa sa kusina ng kanilang bahay nang pasukin at pagbabarilin ng mga armadong kalalakihan bandang alas-7 ng gabi. Narekober sa crime scene ang mga basyo ng bala ng M-16 Armalite rifle at cal. 45 pistol habang patuloy naman ang imbestigasyon.
- Latest