3 minasaker sa barangay hall
CAVITE, Philippines – Tatlo-katao ang bumulagta habang isa naman ang sugatan makaraang ratratin ng mga hindi kilalang kalalakihan ang barangay hall sa Barangay Datu Ismael, Dasmariñas City sa Cavite kahapon ng umaga.
Sa inisyal na police report na isinumite sa Camp Pantaleon Garcia sa Imus City, kinilala ang mga napatay na sina Pogi Pangandag, 24; Mustafa Makaindig, 60; at si Makasandig Baniaga, 57, habang isinugod naman sa ospital ang sugatang si Usman Masimba.
Nabatid na dakong alas-11 ng umaga habang nagpupulong ang mga biktima sa loob ng barangay hall nang pasukin at pagbabarilin ng tatlong armadong lalaki.
Matapos ang pamamaril ay mabilis na tumakas ang gunmen sakay ng puting kotse na walang plaka.
Sinisilip ng mga awtoridad ang mga anggulong may kinalaman sa bawal na droga o clan war ang isa sa motibo sa pamamaslang.
- Latest