Kano patay sa love triangle

MANILA, Philippines - Napatay ang 46-anyos na American citizen matapos itong pagbabarilin ng motorcycle-riding gunmen sa pani­bagong karahasang naganap sa Barangay Sum-ag, Bacolod City, Negros Occidental kamakalawa ng gabi. Kinilala ng pulisya ang biktima na si Bernard Jereza na nagtamo ng apat na mga tama ng bala ng cal. 45 pistol at idineklarang patay sa Bacolod Adventist Medical Center. Nabatid na kararating lamang ng biktima kasama ang ka-live-in at anak na babae sa bahay ng tiyuhin nang biglang lapitan at ratratin ng tandem ang biktima. Narekober naman sa crime scene ang mga basyo ng bala ng cal. 45 pistol habang sinisilip naman ang anggulong love triangle ang motibo sa pamamaslang.