3 todas sa road mishap
MANILA, Philippines – Tatlo katao ang nasawi makaraang aksidenteng sumalpok ang sinasakyan ng mga itong motorsiklo sa sinusundang truck kamakalawa sa highway ng Brgy. Ayungon, La Carlota City, Negros Occidental nitong Biyernes ng gabi.
Kinilala ang mga nasawing biktima na sina Richomond Jico, 27, driver; Jesmar Jico, 23; at Florencio Jico, 16- anyos.
Ayon kay Supt. Orly Gabinete, hepe ng La Carlota City Police, naganap ang malagim na sakuna sa nasabing lugar bandang alas-11:30 ng gabi.
Nabatid na pauwi na ang mga biktima na magkakaangkas sa motorsiklo galing sa inuman nang aksidenteng bumangga ang sinasakyan ng mga ito sa sinusundang truck.
Dead-on-the-spot sa insidente ang mga biktima na nagtamo ng matinding sugat sa ulo dahil wala ang mga itong suot na helmet.
Samantalang nagmamadali namang tumakas ang driver ng truck na ngayo’y pakay ng manhunt operations ng pulisya. Isinasailalim pa sa masusing imbestigasyon ang kasong ito.
- Latest
