GRO pinilahan ng 6 magsasaka

TUGUEGARAO CITY, Cagayan, Philippines – Anim na magsasaka ang inaresto ng pulisya matapos pilahan ang 22-anyos na guest relations officer (GRO) sa abandonadong kubo sa dalampasigan ng Barangay Sulbec, bayan ng Pasuquin, Ilocos Norte kamakalawa ng gabi. Sa ulat na isinumite kay P/Senior Insp. Jason Bacuyung, hepe ng Pasuquin PNP, nagawang yayain ng grupo ng suspek na si Ismael Jimenez ang biktimang itinago sa pangalang Remedios para makipag-inuman. Gayon pa man, pinilahan ang biktimang lango sa alak kung saan iniulat na nawawala at ipinahanap ng may-ari ng beerhouse na si Mark Anthony Cayetano.Natunton naman nina SPO2 Lanie Blanes ng Women and Children’s Protection Desk ang nawawalang biktima na lupaypay kasama ang mga suspek.