Kalaguyo ni misis dinedo ng mister
CAVITE, Philippines – Pinaniniwalaang matinding panibugho at selos kaya napaslang ng security guard ang kalaguyo ng kanyang misis sa loob ng karinderya sa Barangay Paliparan 3, Dasmariñas, Cavite kahapon ng madaling araw.
Nagtamo ng maraming tama ng bala ng baril ang biktimang si Lorenzo Arellano, 50, ng Blk 126 Lot 26 Phase 4 sa nabanggit na barangay.
Arestado naman ang suspek na si Julian Gagarin 51, security guard, at nakatira sa Block 15 Lot 7 Phase 3 sa nasabing barangay.
Sa imbestigasyon ni P01 Elmer Belaro, lumilitaw na nag-iinuman sa Lhynn’s Carinderia ang magkalaguyo nang biglang dumating ang suspek.
Sumiklab ang mainit na komprontasyon sa pagitan ng dalawa hanggang sa ratratin ng suspek ang lover ng kanyang miss.
Nabatid na bago maganap ang insidente ay binalaan ng suspek ang biktima subalit ipinagpatuloy pa rin nito ang makamundong relasyon.
- Latest
