P25-M ari-arian sinilaban ng NPA

BUKIDNON, Philippines – Aabot sa P25 milyong halaga ng mga heavy equipment ang sinunog ng mga rebeldeng New Peoples Army sa Bukidnon kamakalawa ng hapon. Sa pahayag ng PNP provincial spokesman na si P/Insp. Jiselle Longgakit, Kabilang sa mga sinunog ay ang dalawang dump trucks, prime mover, bomb truck, backhoe, greeder, cement mixer, vibrator, at ang schredder na  pag-aari ng Algon Engineering Company ng Davao City. Gayon pa man, panibagong sampung heavy equipment uli ang sinilaban ng mga armadong rebelde sa Brgy. Sinoda, bayan ng Kitao-Kitao, Bukidnon. Napag-alamang ang mga ari-ariang sinunog ay  kasalukuyang ginagamot sa road at bridge constructions. Pinaniniwalaang pa­ngingikil ang isa  sa motibo ng mga rebelde habang patuloy namang tinutugis ng pulisya at militar ang mga rebelde.