Trike driver utas sa pakikipag-sex
BULACAN, Philippines – Nagwakas ang kaligayahan ng 59-anyos na trike driver matapos itong mamatay habang nakikipagtalik sa sinasabing kasamang babae sa loob ng hotel sa Barangay San Agustin, Malolos City, Bulacan kamakalawa ng gabi.
Naisugod pa sa ospital subalit idineklarang patay ang biktimang si Felecisimo Tolentino, tricycle driver at residente ng Wawa Street sa Brgy. San Sebastian sa bayan ng Hagonoy, Bulacan.
Lumilitaw sa imbestigasyon nina PO2 Ronald Rosario at PO2 Fauji Mahalim, nag-check-in sa Busy Homes Apartelle ang biktima na may kasamang di-kilalang babae.
Dalawang oras ang nakalipas ay kinatok ng hotel staff ang kuwartong inupahan ng biktimang may kasamang babae dahil malapit nang matapos ang oras subalit walang sumasagot.
Dito na binuksan ng hotel staff ang kuwarto kung saan bumugad ang nakahigang biktima na walang buhay.
Pinaniniwalaang tumakas ang babae at iniwan ang biktima na sinasabing namatay sa pakikipag-sex.
- Latest
