Kagawad dedo sa akyat-bahay

TUGUEGARAO CITY, Cagayan, Philippines - Pinabulagta ng limang miyembro ng Akyat-Bahay Gang ang isang barangay kagawad makaraang pasukin ang kanyang bahay sa Barangay Manag, bayan ng Conner sa Apayao Province noong Lunes ng gabi.? Kinilala ni P/Senior Insp. Manes Cadengan, hepe ng Conner PNP ang biktima na si Nelson Aswigue na isa ring small scale miner ng nasabing bayan.? Ayon sa mga kaanak, nanonood ng telebisyon ang biktima nang pasukin ng limang armadong kalalakihan at ginulpi ito matapos tumangging ilabas ang pera at mga gold ore.? Sinabi ng mga kaanak na nilimas ang hindi nabatid na halaga ng pera at naipong ginto na ibebenta sana ng biktima sa Baguio City. Gayon pa man, nanlaban ang biktima kaya binoga sa ulo.