Bus vs bike: 2 pisak

NUEVA VIZCAYA, Philippines – Patay ang magkaangkas sa motorsiklo makaraang salpukin ng pampasaherong bus sa intersection ng highway sa Barangay Calaocan, bayan ng Bambang, Nueva Vizcaya kahapon ng madaling araw. Kinilala ng pulisya ang mga biktima na sina Prince Paul Jose, 27; at Joanne Cubero na kapwa nakatira sa Barangay Buag habang sumuko naman sa pulisya ang driver ng bus na si Ronald De Luna, 50, ng Catotoran, Calamaniugan, Cagayan. Sa inisyal na imbestigasyon ng pulisya, patungo sa Cagayan ang Florida Bus Line (UWC-642) ni De Luna mula sa Manila nang masalpok ang motorsiklo ng mga biktima na nakaladkad pa ng ilang metro pagsapit sa nasabing lugar.