Kawani ng meat shop, itinumba

TUGUEGARAO CITY, Cagayan , Philippines   - Sabog ang bungo ng isang kawani ng meat shop na pinaniniwalaang may nakaalitan matapos itong pagbabarilin ng di-kilalang lalaki sa Barangay Bantug, Roxas, Isabela kamakalawa.

?Sa ulat ni  P/Chief Insp. Virgilio Abillera, hepe ng Roxas PNP, isinantabi ng pulisya ang motibong holdap dahil hindi naman ginalaw ang pera ng biktimang si Jomar Galope.

Nabatid na pauwi na ang biktimang nagmomotorsiklo nang harangin at ratratin pagsapit sa nasabing lugar.

Nadiskubre ng ilang residente ang nakahandusay na bangkay ni Galope sa tabi ng kanyang motorsiklo na unang inakala na naaksidente.