Magsasaka niratrat, pinugutan ng kabaro
TUGUEGARAO CITY, Cagayan, Philippines – Brutal na kamatayan ang sinapit ng 64-anyos na magsasaka magtapos ratratin ay pinugutan pa ng kanyang kapitbahay dahil sa alitan sa lupa sa Barangay Cabanuan, bayan ng Sta. Fe, Nueva Viscaya kamakalawa.
?Kinilala ni P/Senior Insp. Rolando Galapon, hepe ng Sta. Fe PNP ang biktima na si Jaime Delmas habang nasakote naman sa follow-up operation ang suspek na si Hauyaw Natalac, 65, kapwa nakatira sa nasabing barangay.
Sa imbestigasyon ng pulisya, ginulpi ng nakababatang kapatid ng biktima ang suspek sa bintang na inililipat nito ang mohon ng kanilang lupa upang lumawak ang kanyang teritoryo.
?Gayon pa man, niresbakan naman ng suspek ang biktima kung saan pinagbabaril habang naglalakad patungo sa palayan.
Nang makitang gumagalaw pa ang kaalitang biktima ay tinagpas pa ang ulo nito.
Hindi pa nakuntento ang suspek at nilublob pa ang pugot na ulo sa putikan.?
Narekober sa crime scene ang baston na naiwan ng suspek kaya mabilis itong nasakote kung saan inamin naman ang nagawang krimen.
- Latest