Adik sinunog ang sarili at syota
MANILA, Philippines - Pinatay muna sa sakal ang kaniyang nobya bago sinilaban ng 43-anyos na lalaking sabog sa droga ang silid sa motel na kanilang tinutuluyan hanggang sa parehong matusta ang kanilang katawan kamakalawa ng gabi sa bayan ng Goa, Camarines Sur.
Kinilala ang lalaking adik na sina Rommel Fuentebella Carino habang ang nobya naman ay si Joanna Buenaagua Iraula, 22.
Halos hindi na makilala ang magkasintahan dahil sa grabeng pagkasunog ng mga katawan.
Sa ulat ng Camarines Sur PNP na nakarating sa Camp Crame, bandang alas-10:30 ng gabi ng makatanggap ng report ang Bureau of Fire Protection kaugnay sa nagaganap na sunog sa Papillon Motor Lodge sa Barangay Tagongtong.
Ang sunog ay nagsimula sa Room 9 ng nasabing motel na inokupa ng magkasintahan na tatlong araw nang naka-check-in.
Kaagad na rumesponde ang mga tauhan ng BFP Goa at Scene of the Crime Operatives (SOCO) team kung saan tumambad sa kanila ang natustang bangkay ng mga biktima.
Sa imbestigasyon ng pulisya, lumilitaw na lumabas sa hotel ang lalaki para bumili ng gasolina na ilalagay nito sa motorsiklo na pinaniniwalaang ginamit sa panununog matapos na makita ang mga basyo ng bote na pinaglagyan ng gasolina.
Samantala, may bakas din ng sakal ang babae kung saan ay narinig ng ilang kustomer na nagtatalo ang dalawa bago magsimula ang sunog.
Narekober din sa crime scene ang ilang plastic sachet ng shabu, dalawang basyo ng bote ng alak at motorsiklo.
- Latest