Preso hindi dinalaw ni misis, nagbigti
CAMARINES NORTE, Philippines - - Wala nang buhay ng madatnang nakalambitin sa loob ng isang conjugal room ng Naga City District District Jail ang isang 26-anyos na bilanggo makaraaang magpatiwakal sa pamamagitan nang pagbibigti gamit ang kumot sa Camarines Sur, kamakalawa.
Nabatid na tatlong buwan ng hindi binibisita ng asawa ang presong si Mark Joseph Brinbuela, residente ng Urban Poor, Brgy. Pacol, Naga City matapos na ito ay makulong sa kasong carnapping isang taon na ang nakakalipas.
Huli na ng malaman ang ginawang pagpapatiwakal ng biktima matapos na madiskubre ng kasamahang preso na maglilinis sana sa loob ng nasabing kuwarto. Wala naman nakitang foul play sa naganap na pangyayari.
Posible rin umanong depresyon ang nagtulak para magpakamatay ito matapos na hindi na dalawin ng kanyang misis na nangibang bansa na pala at hindi nagpaalam sa nasawi.
- Latest
