Trader ginulpi ng holdaper

MANILA, Philippines - Kasalukuyang nakikipaglaban kay kamatayan ang 36-anyos na negosyanteng babae makaraang gulpihin at pukpokin ng bote ng alak sa ulo nang manlaban sa nag-iisang holdaper na nanloob sa grocery store nito sa bayan ng Malangas, Zamboanga Sibugay kamakalawa ng gabi. Kinilala ni P/Senior Inspector Joseph Ortega, PNP regional spokesman ang biktima na si Jennifer Jumawid na ginagamot sa Vergara Hospital. Sa imbestigasyon ng pulisya, nagpanggap na  kostumer ang  suspek na bibili ng alak sa grocery store ng biktima nang bigla na lamang itong pagpupukpukin sa ulo ng bato at basagan pa ng alak sa ulo. Agad namang isinugod sa pagamutan ang biktima ng mga sumaklolong miyembro ng kaniyang pamilya.