Chinese trader utas sa kawatan

BATANGAS, Philippines - – Brutal na kamatayan ang sinapit ng 29-anyos na Chinese businesswoman matapos itong pagsasaksakin ng ilang mi­yembro ng Akyat-BahayGang sa loob ng kanyang bahay sa Lipa City, Batangas kahapon ng madaling araw.

Kinilala ni P/Supt. Jacinto Malinao, hepe ng Lipa City PNP ang biktimang si Zhenyi Huang, may-ari ng general merchandise store sa pampublikong pamilihan sa Lipa City at nakatira sa L. Dimayuga Street sa Barangay 8.

Base sa police report, bandang alauna ng mada­ling araw nang pumasok ang ina ng biktima sa silid nito para hanapin ang nawawalang cellphone.

Gayon pa man, bumulaga sa matanda ang kanyang anak na nakahandusay sa ibabaw ng kanyang kama at naliligo sa sariling dugo dahil sa mga tinamong saksak sa katawan.

Napag-alaman ng mga imbestigador na nawawala ang di-pa malamang halaga, mga personal na gamit at mga  alahas mula sa silid ng biktima habang patuloy ang imbestigasyon.