Misis napatay sa gulpi ng mister
CEBU CITY, Cebu , Philippines – Namatay na noong Huwebes Santo ang 26-anyos na misis matapos itong gulpihin ng kanyang mister na tumangging mag-alaga ng kanilang anak sa Sitio Kamanggahan, Barangay Tabok sa Mandaue City, Cebu.
Kinilala ng pulisya ang biktima na si Jovelyn Ancero na natagpuan ng kanyang nakababatang utol na si Malen Sinangote sa loob ng kuwarto ng mag-asawang Ancero.
Sa ulat ni PO3 Heracleo Gamboa ng Basak PNP, nariÂnig ng isa sa utol ng biktima na nagkakasigawan ang mag-asawa noong Martes ng gabi.
Nabatid na nagpapatulong ang biktima sa kanyang mister na si Arnel Ancero sa pag-aalaga ng kanilang anak na one-year-old baby subalit nairita at ginulpi ng suspek ang biktima.
Napag-alamang namatay ang biktima noong Huwebes ng gabi matapos hindi makaÂyanan ang matinding sakit sa katawan dulot ng mga sugat mula sa panggugulpi ng kanyang asawa.
Gayon pa man, ipinagÂbigay-alam sa suspek ang sinapit ng kanyang misis subalit hindi na ito bumalik pa ng bahay kung saan pinaghahanap na ng pulisya.
- Latest
