5 minasaker sa Batangas
MANILA, Philippines - Lima-katao ang pinagÂbabaril hanggang mapaslang saka inabandona ang bangkay sa loob ng owner-type jeep sa naganap na masaker sa bayan ng Laurel, Batangas kahapon ng madaling araw.
Kabilang sa napatay ay sina Joebert Lincallo, Dante Mayuga, Manolito Cudra, Michael Palbacal, at si Exequel Marimat na pawang nakatira sa Barangay Luksuhin Ibaba, bayan ng Alfonso, Cavite.
Sa inisyal na ulat ng pulisya, ang bangkay ng mga biktima ay natagpuan sa owner-type jeep (DSL-353) sa liblib na bahagi sa Barangay Ticub sa bayan ng Laurel bandang alas-3 ng madaling araw.
Ayon sa imbestigasyon, isang security guard na kinilalang si Efren Dumpao ng Laurel Municipal Hospital ang tumawag sa himpilan ng pulisÂya kaugnay sa nadiskubreng mga bangkay.
Lumilitaw na robbery umano ang sinisilip na motibo ng pamamaslang dahil nawawala ang P50,000 cash ng mga ito.
“Dumalo ang mga biktima sa lamay sa bayan ng Laurel at papauwi na sa bayan ng Alfonso, Cavite nang masundan sila ng mga hindi kilalang kalalakihan at tambangan,†pahayag ni P/Senior Supt. Omega Jireh Fidel
Nakarekober ang mga pulis ng 7-basyo ng cal. 9mm pistol mula sa crime scene.
- Latest
