Mag-lover itinumba pag-uwi sa bahay
MANILA, Philippines — Dead-on-the-spot ang isang mag-live in partner matapos na pagbabarilin sa compound ng kanilang bahay kamakalawa sa Upper Calarian, Zamboanga City.
Ang mga nasawi dahil sa mga tama ng bala sa ulo at katawan ay kinilalang sina Catherine Santos, at live-in partner nito na tinukoy lamang sa alyas Boy.
Sa ulat, bago naganap ang krimen dakong alas--7:05 ng gabi ay kararating lang ng mag-live in sa kanilang tinitirhan nang pagbabarilin ng dalawang lalaki na naghihintay sa kanilang pag-uwi.
Kapwa duguang bumulagta at binawian ng buhay noon din ang mag-live in habang mabilis na nagsitakas ang mga salarin na sinamantala ang kadiliman ng gabi.
Malaki ang hinala ng pulisya na “love triangle” ang motibo nang pagpatay dahil sa may anak na lalaki ang ginang sa kaniyang dating kinakasama at bago lang ang mga ito sa bahay na kanilang inuupahan noong Enero 4 ng taong kasalukuyan at tuwing gabi lamang ang mga ito umuuwi dahilan sa abala ang mga biktima sa kanilang negosyong ice cream sa Isabela City, Basilan.
- Latest