Granada sumambulat: 10 bata sugatan
MANILA, Philippines — Nasugatan ang 10 bata na nasa 3 hanggang 10-anyos makaraang aksidenteng masabugan ng 40 MM rifle grenade projectile na kanilang pinaglaruan kamakalawa sa bayan ng Parang, Sulu.
Base sa report ni Chief Supt. Graciano Mijares, Director ng Autonomous Region in Muslim Mindanao (ARMM)Police, dakong alas-2:30 ng hapon nang maganap ang insidente sa isang liblib na lugar sa Brgy. Canaway ng bayang ito.
Batay sa imbestigasyon, ang nasabing rifle grenade projectile ay napulot ng isa sa mga biktima sa isang palayan na kanilang hinahagis at sinasalo na tila bola nang ito ay sumambulat.
Ang mga bata ay dinala sa ospital na kasalukuyang inoobserbahan.
- Latest