Kagawad inutas ng sinitang binatilyo
MANILA, Philippines — Isang 50-anyos na barangay kagawad ang pinagsaksak hanggang sa mapatay ng isang 14-anyos na binatilyo na kanyang sinita sa hindi pa malamang kadahilanan kahapon ng madaling araw sa likod ng simbahan sa Poblacion, Malinao, Aklan.
Ang nasawi ay kinilalang si Gerry David, residente ng Brgy. Manhanip ng nasabing bayan.
Agad naaresto ang suspek na itinago sa pangalang Atong, estudyante, kapitbahay ng biktima.
Batay sa ulat, dakong alas-3:50 ng madaling araw sa likod ng St. Joseph Parish Church ay sinita ng biktima ang suspek kung ano ang kanyang ginagawa sa lugar.
Ikinagalit ito ng suspek at sinugod ng saksak ang biktima na agad nitong ikinamatay.
Ang suspek na itinurnover sa kustodya ng Department of Social Welfare and Development (DSWD).
- Latest
- Trending
