Du30 binalaan ang Coa sa ‘Lowest Bidder Policy’
MANILA, Philippines — Binalaan ni Pangulong Rodrigo Duterte ang Commission on Audit (COA) sa ipinatutupad nitong “lowest bidder policy” na isa uri umanong korapsyon.
“Itong sa corruption-matagal ko ng ayaw ‘yan, mayor pa ako. Puputulin ko talaga ‘to. Pipilitin ko pati kayong mga COA makinig kayo. Do not insist on this because mag-aaway tayo at hindi ako susunod sa inyo. Don’t give me that shit. Alam mo itong lowest bid, ito ang nagka-l****-l**** sa ating buhay Pilipino. Matagal na ‘yan. Kung may project diyan, for example, dito building, 100 million. May mga grupo dito sa Pilipinas umiikot lang ‘yan,” paliwanag pa ng Pangulo sa kanyang mensahe sa ika-39 na kaarawan ni Sen. Manny Pacquiao.
Ayon sa Presidente ay hindi niya susundin ang gayung uri ng pamamalakad gayung nasasakripisyo aniya ang kalidad ng isang government project kung saan, pilit na pinagkakasya ang quotation ng isang lowest bidder.
Idinagdag pa ng pangulo na sa ganitong sistema ay nakikinabang ang ilang governor, alkalde, konsehal at maging ang mga nasa barangay dahil kasama ang mga ito sa mga signatories para umusad ang isang proyekto.
Inihalimbawa ng Pangulo na kung ang isang proyekto ay aabot sa 1 daang milyong piso, lumalabas na 60 million pesos na lamang talaga ang nagugugol gayung ang 40 percent ay napupunta sa padulas para sa ilang mga kinauukulan.
- Latest
- Trending